花墟茶餐廳

营业中

休息中

多数茶餐厅都会喺夜晚提供小炒甚至铁板餐，不过呢间就只有碟头饭，而且系每日精选，即系未必日日都有星洲炒米𠮶啲🙈呢日咁啱有芝士咖喱猪扒焗饭($55)，好耐冇食港式咖喱所以就入去试试🤓随餐附送热饮同是日靓汤，不过真系超级咸，唔建议大家要😂满满嘅芝士真系令人食欲大增，虽然未至于爆浆𠮶种，但绝对比连锁店慷慨，足够比你过吓瘾，如果焗㶶啲就再正啲😋猪扒唔系用粉浆炸𠮶款，应该系纯粹沾少少粉就攞去油炸，所以唔会有一层淋咗嘅粉皮喺面头，仲有脆脆嘅肥膏😝虽然唔算超厚，但食落唔觉用咗好多梳打粉，亦都唔系好干好柴，所以都已经唔错👍🏻意粉亦都冇太淋或者发胀晒嘅问题，份量颇多，再加埋面头有啲薯仔粒(应该有煎过表面所以口感几好)，食完真系饱到上心口😆啲咖喱偏向日式，即系冇咁香辣同浓味，但整体嚟讲都几抵食几唔错😉