大同韓燒 (已結業)

好耐冇食韩烧，今次嚟咗呢间试吓，虽然款式可能冇其他铺头咁多款，但系质素都算唔错，几抵食！冷盘方面，有鱼生、寿司、中华沙律、螺肉、泡菜等。熟食方面，有煎饺子、鸡脚、卤水鸡翼、粟米、咖喱鱼蛋等。至于有啲咩烧，总括来讲，都算大路嘅。有鸡翼、猪扒、肥牛、猪腩片、鸡神片、猪颈肉、鸡肉、鱼楼、羊扒、厨师肠、鸡软骨、牛仔骨、青口、扇贝、鲭鱼、三文鱼骨、多春鱼、鱿鱼等等，仲有各款蔬菜（青椒、金菇、冬菇、甜薯、翠玉瓜、洋葱、茄子等）。至于饮品都算有几多款，纸包饮品同罐装饮品都有。甜品就有雪糕、芒果布甸、凉粉、红豆沙等等。佢同其他韩烧唔同就系佢会铺牛油纸系个铁板度，亦都会定时定候帮你换，呢个服务几好！