影片
更多
2021-02-02
1224 浏览
老婆大人话想食buffet作为一个爱妻号嘅老公梗系第一时间订枱同佢撑枱脚啦！佢钟意多花臣的自助餐咁就去花月庭食自助午餐喇！开饭有七五折星期日嚟食折咗唔使三佰伍银一条友但系有夜晚嘅阵容好鬼多嘢食！乜都唔讲住先去睇吓有咩日本嘢食先！刺身有三文鱼、鲷鱼、吞拿鱼、八爪鱼、马刀贝同埋鱿鱼，仲有啲冷面、玉子烧同手握寿司睇落几新鲜唔错噃！至鬼钟意食刺身喱日最正系三文鱼食落肥美滑口，另外马刀贝都好鲜味可以食多几件！跟住去睇吓有咩前菜食先一行埋去见到有帕尔马火腿、南瓜沙律、薯仔沙律、西班牙辣肉肠、杂锦冻肉、意大利莎乐美肠、烟三文鱼伴续随籽、仲有最我最like芝士同干果正呀喂！隔离仲心劲多款式嘅沙律菜好似有红椰菜、西兰花、罗马生菜、红边生菜及西生菜，混个靓酱食又健康又好味！生果有我钟意嘅西瓜又有老婆大人至爱嘅菠萝，加埋哈密瓜真系啱晒我哋口味！老婆大人砌咗碟前菜拼盘我哋两份食！佢仲攞咗我钟意食嘅杏脯肉干真抵锡。嗱嗱嗱自助午餐都有生蚝食㗎仲系即开嘅美国生蚝，另外冻海鲜仲有蓝青口、沙蚬、新西兰青口、大虾同埋雪花蟹爪。生蚝好新鲜食多几只回本先嘻嘻！不过新西兰青口同雪花蟹爪都好鬼有惊喜㖞！青口软绵绵又鲜甜老婆大人拆
乜都唔讲住先去睇吓有咩日本嘢食先！刺身有三文鱼、鲷鱼、吞拿鱼、八爪鱼、马刀贝同埋鱿鱼，仲有啲冷面、玉子烧同手握寿司睇落几新鲜唔错噃！
至鬼钟意食刺身喱日最正系三文鱼食落肥美滑口，另外马刀贝都好鲜味可以食多几件！
跟住去睇吓有咩前菜食先一行埋去见到有帕尔马火腿、南瓜沙律、薯仔沙律、西班牙辣肉肠、杂锦冻肉、意大利莎乐美肠、烟三文鱼伴续随籽、仲有最我最like芝士同干果正呀喂！
隔离仲心劲多款式嘅沙律菜好似有红椰菜、西兰花、罗马生菜、红边生菜及西生菜，混个靓酱食又健康又好味！
生果有我钟意嘅西瓜又有老婆大人至爱嘅菠萝，加埋哈密瓜真系啱晒我哋口味！
老婆大人砌咗碟前菜拼盘我哋两份食！佢仲攞咗我钟意食嘅杏脯肉干真抵锡。
嗱嗱嗱自助午餐都有生蚝食㗎仲系即开嘅美国生蚝，另外冻海鲜仲有蓝青口、沙蚬、新西兰青口、大虾同埋雪花蟹爪。
生蚝好新鲜食多几只回本先嘻嘻！不过新西兰青口同雪花蟹爪都好鬼有惊喜㖞！青口软绵绵又鲜甜老婆大人拆好肉比我食嘅雪花蟹爪唔知点解咁甜嘅哈哈！！
食完前菜又出去睇吓有咩热嘢食先！每次老婆大人必食嘅海南鸡仲系咁靓仔，另外仲有香港人最钟意食嘅叉烧呀！
隔离系粉面档好似车仔面咁自己拣面档，然后再拣𩠌叫晒全部都唔使惊要食成百几蚊一碗嘅车仔面！唉又勾起想当年喺尖东食𠮶碗百九几蚊嘅高级难食车仔面！
粉面唔啱食唔怕仲有珍珠鸡、猪脚姜，印度咖喱、薄脆、薄饼呀咁，钟意饮热辣辣嘅汤仲有罗宋汤和金银菜甘笋猪腱汤拣。
罗宋汤同金银菜甘笋猪腱汤两碗都好多料唔会淡茂茂味道唔错㖞！
跟住要重点介绍喱个烤澳洲M5和牛肩同埋烧腩仔！
烤澳洲M5和牛肩好多汁又嫩口牛肉味好重吓牛迷一定要食过够本，烧腩仔都好鬼吸引攞咗返嚟影完相食仲好鬼脆皮，最劲系哟肉一啲都唔干又唔会死咸好好食。
其实仲有超多嘅热食好似芝士龙虾汁海鲜阔条面、迷迭香烧羊髀、泰式青柠蒸比目鱼、韩式炆烧原件牛肋骨、柚子麻香炸鸡、老婆大人见到心心眼嘅辣酒煮翡翠螺、腊味糯米饭、姜葱龙趸煲、蛋白蟹柳扒时蔬、黑椒啫啫牛仔骨、蒜香鱼鲛和炸黄金流心芝士虾球，基本想我食嘅差不多有得食太正喇！
样样攞啲啲返嚟试吓我觉得最正系姜葱龙趸又香又有骨落地好味。
老婆大人就最欣赏又香又辣嘅辣酒煮翡翠螺，我都食咗一粒螺肉香夹滑仲好入味添，食到老婆大人耳仔都郁晒。
之后仲试埋热辣辣嘅天妇罗当我就梗系最钟意食炸虾天妇罗啦！估唔到天妇罗又炸得几薄脆有惊喜㖞！
一阵仲要返工都系队碗返啲饱肚嘢先！咦有生滚粥㖞仲有咁多料拣整碗食吓先！
叫咗带子鸡肉粥即叫师傅即滚热辣辣送到我手，粥底都几绵食完成身暖晒又饱肚！
老婆大人就梗系要食海南鸡饭啦！食完佢话仲系咁好味见到佢个满足样我就觉得好幸福喇！
最后仲有海量嘅甜品有蛋糕、即焗窝夫雪糕、凉粉、豆腐花、红枣雪耳糖水，两个甜品柜仲有劲多精美甜品仔多款到不之得了！
不过我最想试喱个香印香槟青柠慕丝蛋糕，但真系食得好饱甜品位置最终只能够留咗比香滑嘅豆腐花！
之后喺自助饮品区整多杯热奶茶醒醒神后就去返工努力揾钱再请老婆大人去食好嘢！
张贴
