影片
更多
2023-01-31
1848 浏览
黄埔Harbour Grand嘅自助餐喺酒店自助餐嘅圈子颇有名气亦都好受欢迎，礼拜一就黎咗呢度食dinner buffet。餐厅装修坦白讲系比较旧，木质家俱为主，而且光线较为昏暗，不过座位尚算松动，唔会同隔离枱坐得好贴。食物摆位方面亦好有规划，可以分到厨师即场料理区、冷盘区、海鲜区、生蚝区、刺身区、中西式及印度热荤区。食物攞放区并唔大但选择就唔少，名副其实嘅麻雀虽小，五脏俱全。今晚安排到窗边位置，可以对住海旁夜景用餐。冻海鲜区同刺身区长期都好多人，就唔方便影相喇 冻海鲜选择都好大路 有冻虾、冻蟹脚、冻青口、冻翡翠螺同冻小龙虾。推荐一定要试冻面包蟹，蟹膏甘香饱满。至于刺身同生蚝区方面，刺身选择亦都唔少，数过好似有八种，生蚝师傅话系法国蚝，望落都好肥美，不过小弟唔食生野就冇试到，只系叫师傅揸住比我影张相。熟食方面，有几大所谓回本位，首先系芝士焗龙虾同烧牛肉烧羊架。先讲芝士焗龙虾，一大盘放喺度任夹唔嬲，诚意十足，龙虾表面嘅芝士微焦有口感，低下嘅蘑菇忌廉酱顺滑有奶香，龙虾肉新鲜有弹性。烧牛肉肉味香浓，值得一提，切肉师傅非常敬业，见我哋有小朋友唔食得太生，好有心机帮我哋切d熟少少嘅部位。另一个回
餐厅装修坦白讲系比较旧，木质家俱为主，而且光线较为昏暗，不过座位尚算松动，唔会同隔离枱坐得好贴。食物摆位方面亦好有规划，可以分到厨师即场料理区、冷盘区、海鲜区、生蚝区、刺身区、中西式及印度热荤区。食物攞放区并唔大但选择就唔少，名副其实嘅麻雀虽小，五脏俱全。
今晚安排到窗边位置，可以对住海旁夜景用餐。
冻海鲜区同刺身区长期都好多人，就唔方便影相喇 冻海鲜选择都好大路 有冻虾、冻蟹脚、冻青口、冻翡翠螺同冻小龙虾。推荐一定要试冻面包蟹，蟹膏甘香饱满。至于刺身同生蚝区方面，刺身选择亦都唔少，数过好似有八种，生蚝师傅话系法国蚝，望落都好肥美，不过小弟唔食生野就冇试到，只系叫师傅揸住比我影张相。
熟食方面，有几大所谓回本位，首先系芝士焗龙虾同烧牛肉烧羊架。先讲芝士焗龙虾，一大盘放喺度任夹唔嬲，诚意十足，龙虾表面嘅芝士微焦有口感，低下嘅蘑菇忌廉酱顺滑有奶香，龙虾肉新鲜有弹性。烧牛肉肉味香浓，值得一提，切肉师傅非常敬业，见我哋有小朋友唔食得太生，好有心机帮我哋切d熟少少嘅部位。
另一个回本位系即煎鸭肝，呢个好受欢迎，基本上一出好快就比人扫晒，我都排左两转先有，不过正所谓good food takes time, 要食好西真系要比d耐性架。鸭肝外皮酥脆，咬落去就好似豆腐一样咁软滑，鸭油香即刻充满晒成个口腔。
仲要推介即制小笼包，师傅即埋搓皮喺你面前包，喺你面前蒸。一缕缕蒸气夹杂住小笼包嘅香气扑面而来，食欲马上就黎了。小笼包皮好薄，包裹住满满嘅汤汁同肉汁，配合埋姜醋提味增香，出色之作。
甜品方面，再一次秉承住佢哋选择够多嘅作风，榴梿蛋糕同芒果拿破仑值得一试，不过，酒店提供嘅切饼铲比较难用，搞到旧蛋糕散晒都未上到碟，所以出面嘅蛋糕尤其系拿破仑比较散碎，卖相有少少差，希望酒店可以注意下。而雪糕同雪条就有好多味道，一时间真系好难拣😂
最后讲下整体体验，都系果句，呢度食物种类够多，而且不乏回本位。餐厅整体环境不过不失，景观搭救。用餐当晚有live band唱歌，不过坦白讲就不敢恭维。至于员工方面，厨师待客有礼，兼顾烹调嘅同时亦会解答客人问题。食物refill速度都好快。不过待应生就唔够主动，例如雪糕匙冇晒好耐都冇人refill，有时想揾佢哋又冇影。
张贴
