Ufufu Cafe (已結業)

知道來自日本嘅ufufu六月初已登陸尖沙咀，真係超期待⋯人多d嚟食每人叫一款的話都會幾震撼！好想試超級芭菲⋯但太巨，有30厘米高⋯希望下次有機會有人請我食啦！等唔切，今日先一个人來小試牛刀，但一人份嘅選擇超多，淨係1人份芭菲也有117款，數字嘅百位我無打多個1字，真係三位數㗎！甜品另有7款pancake,5款軟雪糕牛角包，相信好快會再加入更多新款和口味！淨係睇menu遂款甜品芭菲望晒都要花唔少時間，真係花多眼亂，有選擇困難症嘅真係會加重病情，有個小提議👉🏻最好嘅方法係由1號芭菲開始食，下次嚟食2號⋯要食晒117杯不同款嘅一人份芭菲就算日日去食一次都要三個幾四個月先可以試晒，如果全部甜品計即係129款，要4個月有多先試得晒。我最後攪咗差不多10分鐘先落到決定😂今次係「比利時朱古力黑加侖子芭菲」$62比利時朱古力雪糕又香又滑（我對比利時朱古力有種偏愛），黑加侖子雪芭又香又甜味道好出，鮮忌廉出奇的香滑，杯內有些烘過的脆脆米⋯哈哈，有點不夠喉⋯已期待下次再來，下次食乜好呢？