影片
更多
2022-09-25
32 浏览
讲到串烧店，旺角依间《安安烧》长期都系人气之选。晚上通常7点已经座无虚席。出面挂住橙色同埋红色嘅灯笼，好有中式料理嘅气氛。食物种类都好多，蔬菜类、肉类、面类都有，咁我今次就介绍几款必点嘅菜式，基本上全部都有辣度可以选择，所以唔食得辣嘅朋友都唔使惊。惹味蒜蓉生烧茄子 $48一大条茄子开两边去烧，茄子肉完全唔会黐住个皮，啖啖蒜蓉味又鲜甜。顶级盐烧多春鱼 四条 $46烧多春鱼都好考功力，要烧到干身同埋鱼肉唔会散开，咁依间就做得好好。食落啖啖鱼籽，连埋啲鱼骨都烧到好脆身。蒜蓉烧扇贝四只 $60新鲜扇贝放上蒜蓉同埋辣椒，扇贝肉都几饱满，又有鲜味。烧甜美菠萝$25烧到啱啱好，所以面头会有焦黄色嘅，食落唔会酸又多汁。烧孜然羊肉串 $40孜然味好重嘅羊肉串，一啲都唔会有羊肉嘅羊膻味，肥瘦适中，咬开好多肉汁。安安秘制三重芝士捞丁 $54三重芝士用左蓝芝士、巴马臣芝士同埋车打芝士制成。表面上再用火枪炙烧过，食之前再搅拌一下，就会见到长长嘅拉丝，好邪恶。菠萝啤 $17得一次饮依款菠萝味好重嘅啤酒，低酒精又甜甜地，男女都好适合饮用。我都系第一次饮觉得钟意❤️甜品方面除咗烧菠萝，我哋仲叫咗日式炼奶烧麻薯，佢有黄豆
讲到串烧店，旺角依间《安安烧》长期都系人气之选。晚上通常7点已经座无虚席。出面挂住橙色同埋红色嘅灯笼，好有中式料理嘅气氛。
食物种类都好多，蔬菜类、肉类、面类都有，咁我今次就介绍几款必点嘅菜式，基本上全部都有辣度可以选择，所以唔食得辣嘅朋友都唔使惊。
惹味蒜蓉生烧茄子 $48
一大条茄子开两边去烧，茄子肉完全唔会黐住个皮，啖啖蒜蓉味又鲜甜。
顶级盐烧多春鱼 四条 $46
烧多春鱼都好考功力，要烧到干身同埋鱼肉唔会散开，咁依间就做得好好。食落啖啖鱼籽，连埋啲鱼骨都烧到好脆身。
蒜蓉烧扇贝四只 $60
新鲜扇贝放上蒜蓉同埋辣椒，扇贝肉都几饱满，又有鲜味。
烧甜美菠萝$25
烧到啱啱好，所以面头会有焦黄色嘅，食落唔会酸又多汁。
烧孜然羊肉串 $40
孜然味好重嘅羊肉串，一啲都唔会有羊肉嘅羊膻味，肥瘦适中，咬开好多肉汁。
安安秘制三重芝士捞丁 $54
三重芝士用左蓝芝士、巴马臣芝士同埋车打芝士制成。表面上再用火枪炙烧过，食之前再搅拌一下，就会见到长长嘅拉丝，好邪恶。
菠萝啤 $17
得一次饮依款菠萝味好重嘅啤酒，低酒精又甜甜地，男女都好适合饮用。我都系第一次饮觉得钟意❤️
甜品方面除咗烧菠萝，我哋仲叫咗日式炼奶烧麻薯，佢有黄豆粉同埋炼奶，真系好好味😋
张贴
