川味辣蟹·串燒·烤魚·雞煲·專門店 (已結業)

今晚跟朋友去咗一间川味辣蟹专门店，唔单止有辣蟹仲有串烧、烤鱼、火锅、粥等，款式选择多，我觉得食完串烧之后食碗粥系非常好。重点推介一蚊鸡，消费满$150之后可以一蚊选择三款鸡，鸡干锅、椰子鸡汤或花胶鸡汤，我哋拣咗花胶鸡汤半只，系清汤嚟嘅，有半只鸡件食，饮完汤之后可以加汤作火锅，但我哋已经食唔落啦，因为有好多其他好嘢食。免费送川辣鸡翼尖，少少辣而已，配酒会好正。朋友钟意食蟹，所以姜葱炒中肉蟹是必点，几多肉，好多葱，几好味。特别推介之中我哋拣咗金银蒜粉丝烧中蛏子，啱啱熟，非常新鲜好味。串烧拣咗三款，风味烧牛脷、风味烧羊肉及日式烧鲜白鳝，烧得唔错。砂锅粥田鸡鲍鱼的粥底好棉，非常好，好奇怪问咗少少花生酱味道，但食又有冇咁嘅味，有两只鲍鱼、若干田鸡件，虽然味道丰富甜美。玻璃樽装可乐，鸿福堂竹蔗茅根精。今餐系满意嘅，环境都几好，地方几大，装修有特色，不过喺地库需要落楼梯。