鐵牛台灣牛肉麵 (旺角中心第一座) (已結業)

今日同朋友去咗旺角行街街，行到攰想揾个地方食个下午茶，因为又唔系太肚饿，简简单单就好～之前成日去旺角中心地库既一间台湾食店「铁牛」今日再返返去，装修好似有啲唔同咗㖞 ～Menu 都转咗，之前系划纸仔既，而家就改咗用 QR code 落单，不过一样都系咁抵食！😝😝我最钟意就系佢既下午茶，份量唔会太多，啱晒我地女仔唔系食得太多嘢🙂下午茶可以拣一款主食同埋三个小食，感觉好丰富，主食方面有卤肉饭、担担面、 肉燥汤面同埋麻酱干面可以拣，我最钟意食系干面，捞埋麻酱嚟食好有台式风味😋小食方面都有好多唔同选择，可以拣牛肚丝啦、猪耳丝啦、卤蛋啦、小黄瓜啦、地瓜啦、盐酥鸡啦、小香肠等，可以每次都拣唔同嘅小食转下口味😬小黄瓜系我必然之选，酸酸甜甜好开胃，另外会拣牛肚丝或者猪耳丝，再拣一款其他～饮品方面都有好多台式特饮，不过多数都要加钱，唔需要加钱既一般就系奶茶、柠茶，40蚊都唔洗就可以食一个下午茶，几抵食！过咗下午茶时间之后既晚餐都好多选择，除咗一啲台式美食，例如：台湾牛肉面等等之外，仲有臭臭锅等，有时间大家都可以去试吓🤗