蘇媽.蘇媽馬來西亞茶餐室 (已結業)

可能我自己钟意食重口味嘅嘢，所以一向好喜欢东南亚菜式。既然附近开咗间马来西亚茶室，今日屋企冇饭开就过去试吓啦。姐姐好热情咁响门口做招徕，餐厅未真系正式开业，连招牌上面嘅红纸都未拆。餐厅入边嘅装修都好似去咗马来西亚咁汤咖喱面，有人叫佢做马来西亚喇沙，但我会倾向叫番佢做汤咖喱面，始终佢嘅味道同星加坡喇沙有好大分别。咖喱汤汁做得好香但又唔会觉得过咸或者过辣，最特别嘅系佢嘅粉系用咪造成嘅通粉，通粉嘅通心吸晒啲咖喱汁，味道特别好。上面嘅豆粕都吸晒啲汤汁，感觉特别好食。配料唔系好多，都系唔系太有性格嘅鱼腐豆卜之类嘅嘢，配料唔算非常丰富但好合适。太大杯嘅恐龙美禄，落咁多美禄粉，杯野系唔会唔好饮嘅最后我叫咗三串沙嗲，佢系俾一串猪一串牛同一串鸡。再加上好大碟嘅沙嗲汁。如果一个人来食呢一碟就好啱，因为冇人分享都可以食到唔同嘅嘢。佢嘅调味好香浓，而且肉质好滑，不过都食得好饱，如果唔系我会再叫多一碟。