Green Tech Cafe (已結業)

Green Tech Cafe 系一间无五辛嘅素食餐厅。菜式偏向西式同日式，类似Green Common同素年。餐厅面积唔大，平日午市坐满上班族，到2:00后人流开始少。唔知系咪因为出面太阳晒入黎，餐厅入面冷气唔够，我坐坐下有D热。新猪肉水牛城 ($38)必点之选👍🏼。本身用新猪肉整嘅菜式已经够吸引我，佢外表有少少脆，𠮶酱汁好惹味，入面系新猪肉包住红萝卜条，唯一不足系得2件唔够喉。港式半焗流心蛋咖哩吉列朱扒意大利饭 ($108)我觉得成个饭太干身😕，尤其是吉列猪扒，如果外皮再酥脆D，或炸粉再厚少少会更好食。咖哩汁偏辣。不过卖相唔错。厚切豆腐虾堡 配薯角 ($88)初时我以为会将豆腐打烂搓成一个汉堡扒嘅样，点知原来系素鱼腐加素虾，再加上千岛酱同沙律菜。面包够松脆，夹住嘅馅料爽口为主，整体配搭算唔错。餐汤 (+$10)南瓜汤味道清甜，原汁原味嘅感觉。