牛品台式火鍋

营业中

休息中

呢日放工，同同事去咗尖沙咀打边炉，佢哋话要试新嘅台式火锅，我哋就去咗牛品，呢度地方宽敞，装修简洁优雅，企理干净，坐得都好舒服。不得不提呢就选择真系好多，除咗火锅食物，又有台湾小食可以用手机点选。我最钟意食椒盐虾，虾肉够弹牙又惹味；宜兰葱馅饼，皮薄馅又香。自助区有各类蔬菜🥬、菇类🍄，仲有响铃、油炸鬼、鱼皮呢啲打边炉必食炸物😉当然仲有自助饮品同自助酱料区。响度食晚市，重送一杯春阳茶事茶饮，我选了老乌梅汁，酸酸甜甜，好开胃，又解渴，真心正！😁呢日试咗虫草花白玉藏珍锅，汤底清甜，养生又健康，而且炎炎夏日，系最正嘅消暑汤底。呢日每位有一只新鲜鲍鱼食，鲍鱼弹牙又爽口，正～不得不提我最钟意既系DIY飘雪绵绵冰😍，将黑糖将倒入去机内，自己用碗接住绵绵冰，之后重可以任加芋圆、凉粉、爱玉等甜食，食完真系好味又透心凉。