元札幌拉麵 (宇晴軒商場) (已結業)

星期五向荔枝角处理完d私人野，肚饿唔知食咩好，就醒起附近宇晴轩商场有间日本餐厅，我几年前向荃湾嘅第间分店都食过，都算几满意，今次就一于再试下。餐厅店面就唔算话太特别，几多位，唔算宽落 不过我自己一支公食就无咩所谓。呢度比较好嘅一点就系食物种类非常之多，餐牌都有3-4张，咩类型嘅日本料理都有，拉面，盖饭，寿司，定食，小食等等应有尽有，我都心大心细唔知点选择好。最尾我就order咗个烧油甘鱼鲛定食同我嘅致爱铁板牛利。个烧油甘鱼鲛定食都真系几丰富，有沙律，蒸蛋，汤，岩晒我呢d咩都想试下嘅吃货，味道都唔错。讲翻个主角烧油甘鱼鲛，我觉得真系好正，佢烧到d皮有少少浓浓，但特别香，调味上只系撒咗小小盐去调味，足以掉晒油甘鱼嘅鲜味。烧呢种整法真系无得顶，锁住晒鱼嘅鲜味，特别系d连住鱼骨嘅裙边味最正，食起身又嫩又多汁，非常满足😋😋😋😋。再讲另一样食物铁板牛利，切得薄身，比较易入味，应该要有嘅爽嫩都做到，叫上少少烧汁就已经非常好食，好香口😋😋😋。总体黎讲，呢间日本餐厅都无令我失望，同我之前向荃湾食嘅感觉差唔多。中意试唔同日本野食嘅朋友可以黎试下，价钱又亲民，都几抵食。