叄壽司凍肉專門店

营业中

休息中

又话说屯门开咗一间新嘅寿司外卖店，今次就同朋友两个谂住去试吓，买返屋企慢慢食。舖头就喺景峰轻铁站附近，虽然个名叫做冻肉专门店，但其实入边有多款寿司刺身嘅选择，同时亦都有一啲饭类同埋拉面，选择丰富，唔使惊拣唔啱。另外舖头亦都有做韩国零食嘅代购，睇啱亦都可以即场买返屋企食！今次我哋嗌咗寿司、刺身、牛油果三文鱼青瓜丝沙律、芝士玉子烧同埋猪软骨饭。先讲个沙律，首先沙律同酱系分开上，十分细心。三文鱼系切成粒状，有鱼味，同时加埋牛油果，牛油果质地软滑有调味，加埋蔬菜同麻酱，非常清新可口。份量亦都唔细，食吓都几饱肚。寿司方面，表现都属于中上，其中三文鱼寿司嘅三文鱼，油脂丰富食落好满足。而同时鱼生同饭嘅比例亦都拿捏得相当好，个饭唔会太大旧。另外嘅三文鱼沙律洋葱军舰亦非常有惊喜，沙文鱼加埋洋葱嘅辛辣味𠮶个配搭原来系几夹。仲有腐皮寿司连埋蛋同埋蟹柳都，又几好食。小食我哋嗌咗带子裙边，口感爽脆，调味适中，佐酒一流。而芝士玉子烧都值得一赞，份量巨型，亦都布满咗芝士。蛋味几出，亦都有昆布嘅甜味。加埋芝士嘅配搭，系唔错嘅选择。而刺身方面有希灵鱼同埋鲷鱼。两者味道新鲜，亦都唔会太薄，质素相当唔错。而最后猪软骨饭，猪