影片
更多
2019-05-08
368 浏览
见咁多人介绍佢哋嘅蟹粥，小妹都系食过一次咁大把，冇特别出色也没有失礼于人，反而觉贵，所以我哋一家人去亲，都系散叫炒菜或者商务套餐。总有前菜必点嘅泡脚凤爪，开胃嘛～不过个师傅就经常睇心情，有时会帮我哋对半切开，有时就懒到原只上，份量都系一时时，有时多有时少，侍应姐姐都好可爱，经常讲笑话师傅心情好/唔好、下次比返少啲/多啲过你哋。我系一个怪人，唔多好食白饭，对啲粉面特别好，可能平时喺屋企已经成日食，出街梗系要食唔同啲嘅心态，呢个猪扒公仔面都唔错，猪扒唔会干身得来仲够味。盐水鸡都系每次会点嘅菜式，不过少咗姜蓉就差紧啲味道，如果厨房冇比，记得同侍应姐姐攞返啊～佢哋嘅炒菜呢，就真系普遍都系差唔多，油好多，啲料都差唔多，青椒红椒、洋葱同埋啲菇～而有时叫凉瓜炒牛肉要特别吩咐厨房凉瓜炒淋啲，除非你真系好爱苦味。另外仲会有好多唔同嘅菜式，就唔喺到一一介绍啦，其实唔一定食蟹粥，间中喺到食啲家常菜都几好㗎～
总有前菜必点嘅泡脚凤爪，开胃嘛～
不过个师傅就经常睇心情，有时会帮我哋对半切开，有时就懒到原只上，份量都系一时时，有时多有时少，侍应姐姐都好可爱，经常讲笑话师傅心情好/唔好、下次比返少啲/多啲过你哋。
我系一个怪人，唔多好食白饭，对啲粉面特别好，可能平时喺屋企已经成日食，出街梗系要食唔同啲嘅心态，呢个猪扒公仔面都唔错，
猪扒唔会干身得来仲够味。
盐水鸡都系每次会点嘅菜式，不过少咗姜蓉就差紧啲味道，如果厨房冇比，记得同侍应姐姐攞返啊～
佢哋嘅炒菜呢，就真系普遍都系差唔多，油好多，啲料都差唔多，青椒红椒、洋葱同埋啲菇～
而有时叫凉瓜炒牛肉要特别吩咐厨房凉瓜炒淋啲，除非你真系好爱苦味。
另外仲会有好多唔同嘅菜式，就唔喺到一一介绍啦，其实唔一定食蟹粥，间中喺到食啲家常菜都几好㗎～
张贴
