串本屋 (已結業)

餐厅环境带有日式风情，有木造间隔，墙上有日式画作，雅座舒适干净。餐牌虽然无图片，但系版面设计唔错，系磨沙面，易揭又耐用。食物选择种类好多，想饱肚，有饭有乌冬；想饮酒吹水，有串烧有佐酒小食，满足到唔同客人。QR code自己落单，快捷又易用。盐烧牛舌芯牛舌系我去日本餐厅必点嘅，呢度都做得几出色，弹牙爽口，调味啱啱好。露笋豚肉串估唔到系粗身露笋，食落比较硬，但味道唔错酱汁烧豆腐串豆腐几大件，又滑又有豆香，外脆内滑，入口即刻滑入喉咙，重点系个酱汁，甜甜的，非常惹味。卡邦尼芝士酱焗广岛蚝广岛蚝几肥美，胀卜卜，表面嘅芝士酱烧到金黄色，焦香芝士内仲有少少烟肉，系卡邦尼嘅味道，推介免治鸡肉棒三色套餐鸡肉棒味道系汁烧，萝卜蓉，明太子。最特别系鸡肉棒除左免治鸡肉，仲有打烂嘅鸡软骨，lok lok脆，口感一流，出色麻酱捞乌冬乌冬非常弹牙，沾上麻酱，蟹籽同蟹柳，层次多左，好好食。明太子烧饭团有明太子嘅咸香，脆卜卜饭焦，味道唔错，如果明太子料多少少会更加满足。焦糖烧菠萝菠萝非常多汁清甜，加埋表面𠮶层薄薄的焦糖，系出色的饭后水果。