老友記廚房

营业中

休息中

餐厅有好多款式可以选择，广东小炒、火锅、鸡煲、海鲜，套餐…..，真系好过去大排档，起码坐得舒服啲。酸菜鱼，太耐冇食好期待，上菜后第一时间就梗系饮番碗汤先啦，酸中带辣的味道，令人胃口大开，鱼好滑冇骨啖啖肉，配料仲有木耳、豆腐卜、宽粉同芽菜，足料又好吃😋。蜜椒薯仔牛柳粒，牛柳粒软淋惹味，配料有煮得入味的薯仔🥔，加埋洋葱🧅、青椒🫑同nuts的配搭，增添不少口感。老友记小炒王，韮菜新鲜爽脆，有🍤虾、腰果、八瓜鱼、墨鱼同红椒🌶️，炒得好够获气的惹味小菜。鸳鸯炒饭，一边是白汁虾仁，另一边是鲜茄鸡肉，两款烩汁吃起来花样更多，把烩汁拌匀味道香浓，十分滋味😋。