雲桂香米線專門店

营业中

休息中

经过元州街，见到新楼盘『喜漾』地下有多间食肆，之中呢间占地面积最大，啲字最抢眼，佢就系『云桂香米线专门店』。米线系我钟意食物之一，见到咁新净又企理的米线舖，又点可以唔试吓呢??餐牌就系玻璃枱面下边，唔使手掂餐牌又可以清晰睇到，都系优点来嘅。有基本的汤底，由25蚊至65蚊不等，跟住可以自己添加食物，有几十样咁多。辣度分等级由唔辣到劲辣亦有8样之多，啱晒所有人类吖。嗌咗『港式米线』+猪红，重庆水晶粉+猪润，2杯冻饮同一个小食『炸鲜竹龙虾卷』都唔使一百蚊，劲抵食。米线正常哋好食，猪红好滑又入味。水晶粉就晶莹剔透，有特色，其实仲有红薯粉拣，有咁多选择，一定要畀like。