元札幌拉麵 (宇晴軒商場) (已結業)

今日去到荔枝角行街，同朋友行过呢间拉面铺，见到餐牌睇落又几吸引㖞。咁就决定一行入去试吓啦！拣咗好耐，决定试吓一个拉面套餐，我对海鲜都好有兴趣，所以就叫咗个蟹肉汤底拉面套餐啦。讲吓碗拉面先，面质口感烟银，汤底浓郁鲜甜，味道真系好够啊！喺拉面来讲，出品算系非常好。呢个套餐仲配左小食，咁我就拣咗盐烧多春鱼，多春鱼煎得好香，配埋柠檬汁，食落又唔会觉得好肥腻。多春鱼都算好大条，里面有好多春。呢度嘢食份量都相当大，价钱又唔算太贵，性价比非常高。食饱后，决定再叫一个甜品，试埋呢间餐厅甜品嘅质素。我同朋友就决定一齐食一件芝士蛋糕，估唔到都算几大件㖞，两个人食真系啱啱好够啦。芝士蛋糕真系几香，质地比较硬身，食完真系大满足。总括而言，呢间拉面店选择非常多，唔似一般拉面店净系卖拉面，有好多唔同嘅小食选择，配搭非常丰富，价钱亦合理，推荐朋友们嚟试食呢间拉面小店。