GOGO 為食坊

营业中

休息中

同朋友行完街，误打误撞上左去呢个为食坊。Menu咩都有，小菜、刺身、丼饭、饺子、锅贴、中西甜品应有尽有。砂锅云吞鸡 - 汤底煮到奶黄白色，鸡汤浓郁云吞粒粒饱满大粒，足足有8粒之多。菠萝咕噜肉 - 脆皮分明、皮薄，啖啖肉，酱汁较杰身，味道适中。小炒王 - 韭菜花爽脆、腰果脆口，仲有啲银鱼仔。啫啫菜煲 - 菜心嫩口，偏重虾干味，惹味不足，但可以空口食。生炒糯米饭 - 糯米粒粒分明、口感软糯，而且足料，有润肠粒、腊肠粒、腊肉、花生、冬菇等。每个小菜加$20仲可以转套餐有白饭同汤或饮品，当日就有芥菜肉片汤，清甜冇味精桂圆红枣水，甜甜地够暖身。甜品都唔错，推荐蛋白杏仁茶，杏仁香，唔会好甜。仲叫腐竹薏米糖水。