The Luxe Seafood Bar & Resto (已結業)

上网见到有间二百几蚊有蚝食，虽然比一般放题更短时间，但系都想试。我哋Book咗最早𠮶个时段，当日准时到达，一去到已经有好多人等入座。一入到去坐低，好多人拎生蚝，我拎咗一次已经排唔到，而且fill蚝嘅师傅系好慢，已经无晒见到客人等紧都唔拎出嚟。刺身系有嘅，无奈真系太多人，我无机会食到。食物选择极少，而且真系唔好味，好多都fill得慢或者唔fill，如果咁嘅价钱但系咩都食唔到，再平都无用。蚝排咗一次队，之后已经无咩机会攞。海鲜吧都系只有涷虾，青口同埋翡翠螺，一样都系fill得好慢。由于攞唔到刺身，所以攞寿司，寿司都系得几种，而且质素差。全晚系熟食嘅牛尾，焗鱼同埋饮得最多嘅忌廉汤好味。