牛涮鍋 (已結業)

好耐冇同成班friend一起去食放题，咁岩大家都想食牛，就黎食呢间牛涮锅。环境几好，光线充足又唔会好刺眼；卫生都算OK，除左个牛肉碟有少少油，其他无咩大问题。选择真系几多，虽然我地都系食牛肉居多。首先汤底都有几种，仲有鸳鸯锅。火锅配料各式各样都有，肠仔同各类肉丸，基本牛丸龙虾丸墨鱼丸都有；蔬菜都应有尽有，但系睇落大家都系钟意食肉所以冇乜人去夹菜，如果要填饱肚仲有公仔面。仲有雪糕可以食，味道都正常。可以话做到一个正常放题应有既水准，一般般。