影片
更多
2016-09-25
877 浏览
我细妹好钟意请我嚟呢度食早餐，原因有两个：1)配搭百变，选择够多；2)地方开扬，坐得舒服；前者我十分认同，后者就……如果张枱大啲，枱与枱之间距离阔啲，咁就为之very good喇！其实我唔多钟意出街食，一嚟贵，二嚟逼，但细妹请到，我就赏吓佢啦！今日星期日，台湾面早餐时段依旧满座！不过好彩，等咗五分钟，已经有位！我哋入座，张枱未抹，阿婶攞块几多啡色污渍嘅湿毛巾嚟一抹，扫咗少少碎落地下，搅掂！出嚟食早餐，我通常都要鸡蛋同通粉，因为两者都系我至爱！平日我大多点火腿奄列+手撕鸡通粉/米线，饮冻华田(因可用嚟点方包食)，但今日想试吓大大碗通粉餐，所以要咗火腿煎蛋通，加$4饮冻红豆奶茶！细妹就照旧肠仔奄列拼炸鱼柳，热咖啡走甜！大家睇吓我特登影俾大家嘅餐牌，就明白我同细妹欣赏嘅所谓弹性！真系好弹，好多选择！所以唔多讲喇！讲吓我碗通粉，两片切咗一半嘅火腿(夹埋即一片)+两只煎蛋，通粉就比拼奄列餐时份量多三份一。一眼望见两只煎蛋，煎得一啲都唔靓，蛋黄散开又老，好失望！我最喜欢笃穿蛋黄捞通粉，今匀冇蛋黄汁，兼蛋黄要成片咬喇！我要求要茄汁，个阿婶百忙之中，攞只小碟倒咗五蚊银咁多俾我！劲孤寒！同Cafe Pa
其实我唔多钟意出街食，一嚟贵，二嚟逼，但细妹请到，我就赏吓佢啦！
今日星期日，台湾面早餐时段依旧满座！不过好彩，等咗五分钟，已经有位！
我哋入座，张枱未抹，阿婶攞块几多啡色污渍嘅湿毛巾嚟一抹，扫咗少少碎落地下，搅掂！
出嚟食早餐，我通常都要鸡蛋同通粉，因为两者都系我至爱！平日我大多点火腿奄列+手撕鸡通粉/米线，饮冻华田(因可用嚟点方包食)，但今日想试吓大大碗通粉餐，所以要咗火腿煎蛋通，加$4饮冻红豆奶茶！
细妹就照旧肠仔奄列拼炸鱼柳，热咖啡走甜！
大家睇吓我特登影俾大家嘅餐牌，就明白我同细妹欣赏嘅所谓弹性！真系好弹，好多选择！所以唔多讲喇！
讲吓我碗通粉，两片切咗一半嘅火腿(夹埋即一片)+两只煎蛋，通粉就比拼奄列餐时份量多三份一。
一眼望见两只煎蛋，煎得一啲都唔靓，蛋黄散开又老，好失望！我最喜欢笃穿蛋黄捞通粉，今匀冇蛋黄汁，兼蛋黄要成片咬喇！
我要求要茄汁，个阿婶百忙之中，攞只小碟倒咗五蚊银咁多俾我！劲孤寒！同Cafe Paradise𠮶种成支主动上嘅大方，完全冇得比！
通粉味道不过不失，但我要添多次茄汁先觉得火腿蛋好味！第二次特登叫个相熟阿婶倒，今匀好啲喇！有两个五蚊银咁多！我全碟倒哂落啲火腿蛋度！
细妹碟鱼柳几脆，但好细块！肠仔奄列好味，买相亦靓！我觉得台湾面啲奄列真系唔错！蛋煎得靓，馅亦算多！我试过白汁鸡丝奄列、火腿奄列同肠仔奄列，都好味！
最后要赞嘅系加$4转饮台式饮品呢个选择，真系超抵！我好喜欢红豆，杯红豆奶茶又甜又多豆！我问阿婶拎咗两杯水，倒咗少少水落去，饮多两啖之余，味道更好喇！
坦白讲，$31一碗通粉，真系心都痛埋！不过细妹主动请我，我即管赏面啦！
最后补充一句，台湾面每份早餐都一定跟方包或加钱转多士，我食唔落，所以问阿婶攞个纸袋，袋埋细妹𠮶块做午餐！
整体嚟讲，侍应服务态度有啲参差，但安排座位同收钱𠮶个男人算唔错！可能因为佢认得我细妹呢个熟客，都会主动点头打招呼！
整体嚟讲，我对台湾面嘅感觉都偏向正面，因为细妹钟意，所以我都钟意！钟意佢墙上色彩缤纷嘅图画、钟意佢早餐百变嘅选择、钟意佢多豆好味嘅红豆奶茶、钟意细妹话佢早餐可以去到11：30am last order，最重要嘅系，钟意有机会同百忙又cool嘅细妹有40分钟嘅相聚时间……
张贴
