禮 (打鼓嶺道)

营业中

休息中

一间食物种类选择丰富嘅日式居酒屋小店， 有刺身、寿司、串烧、炸物到丼物等等。 座位以四人位为主，氛围比较啱一班朋友高谈阔论咁聚餐。 极上刺身三品 ($238) • 分别系油甘鱼、三文鱼、帆立贝。 • 整体系一碟好高质嘅刺身，肉质嫩滑、咀嚼嘅时候有刺身原有嘅淡淡鲜甜。平时唔好刺身嘅我都觉得好食。 清酒煮蚬 ($88) • 每粒蚬肉都好饱满，最重要系食落唔会咬到沙粒，处理得好好。 • 清酒嘅米香味几浓郁，但又唔会抢走蚬本身独有嘅鲜甜。 青森青提豚肉卷 ($48)• 极力推荐‼︎ • 用豚肉包住一粒原整嘅青提去烧，味道有惊喜。 • 青提经过烧烤仍然保持独有嘅香甜，口感变得更腍同更多汁，两者味道好配合。 脆皮风鳝 ($88) • 烧嘅程度啱啱好，外皮收得紧致香脆。 • 入面嘅肉质保持爽口，保留到鳝嘅味道。 池鱼王薄切 八切 ($138) • 肉质除咗保持一贯咁鲜嫩肥美，仲多咗一股鱼油香。 • 捞少少伴碟嘅姜葱一齐食又系另外一种层次。 蟹羔玉子烧 ($88) • 玉子口感好湿润滑溜，比较似蒸出嚟。 • 夹咗蟹羔喺入面，食落有浸浸蟹羔味渗出。