金牌小龍 (已結業)

呢日同屋企人嚟到尖沙咀 iSQUARE 3/F 嘅金牌小龙食饭。餐厅装修感觉清新，座位阔落坐得舒服。金牌小笼包 ($38) - 皮薄得嚟带点烟韧，入边包住鲜嫩嘅猪肉馅及肉汤，一啖一只，滋味好食。牛肉小笼包 ($42) - 自己第一次食牛肉做嘅小笼包，牛肉腍滑；肉汤鲜甜，原来以牛肉做小笼包馅都好好食。梅菜锅贴 ($38) - 以甜梅菜及猪肉做馅料，锅贴皮十分薄，底部煎得香脆，有创意又好食。卤大肠 ($45) - 炆得够腍仍然保持到大肠嘅鲜味，卤得入味十分唔错。尖椒皮蛋 ($32) - 浸喺红油汁入面嘅皮蛋上面铺满青红椒、生蒜粒及花生，各种味道鲜明得嚟又十分夹，口感都丰富，好食。菜肉红油抄手 ($38) - 抄手嘅馅料味道鲜甜，配上香辣嘅红油酱汁，够晒惹味。台湾红烧牛肉面 ($52) - 厚切牛腱炆得十分腍，汤底牛味香浓中带点辣，面条口感滑溜，在索满鲜味汤底后就更加好食！酸汤肥牛面 ($38) - 汤底颜色清澈，味道辣中带酸嘅汤底令肥牛更加鲜甜，面条口感滑溜，十分唔错。香糟猪尾 ($32) - 香糟汁带少少咸味及酒香味，猪尾肉质爽口，索满香糟味后就更滋味。手撕杏鲍菇 ($32) - 香辣爽