大將 (已結業)

呢间火锅放题有五款唔同质量嘅火锅套餐～《$188/$228/$298/$398/$468》主要分别在于牛嘅等级、海鲜款式同享用时间，$298或以上套餐平日一至四有150分钟，星期五六日有100分钟。汤底选择众多，有八款自选汤底，更设有鸡煲系列，可以无限添加鸡。拣咗澳洲和牛牛小排套餐，有多款牛、猪、鸡、羊、海鲜等，食物款式相当丰富；澳洲和牛入口甘香，油脂平均，任食嚟讲质素相当不错；大八爪鱼同沙白系亮点，沙白鲜甜肥美，非常干净；八爪鱼爽口弹牙，超越放题质素。除咗任点美食，自助吧干净企理，即炸小食定时出炉，香脆可口，美味炸鸡外脆内软；丸类、菜类、饮品款式多，一定满足到唔同人嘅口味；甜品有软雪糕亦可以自制格仔饼，有得食有得玩开心大满足。