樂天大喜屋 (已結業)

同朋友好耐冇见，拣左去大家都方便嘅旺角食放题！好多放题都食过，今次试嘅系未食过嘅乐天大喜屋日本料理～地方都算几大，占左创兴广场2楼全层～佢有一个几大嘅自助区，有好多唔同种类既野食～有唔同既小食同小炒，啱晒钟意试唔同野食既我！甜品都有好多种类，有乳酪，雪条，豆腐花，同埋好多款甜品杯～仲有沙律吧同冷盘！饮品都有好多款拣，绝对唔洗担心揾唔到啱自己饮既野！食放题就一定唔少得刺身架啦～呢度有超过十款刺身可以叫，有我好钟意既松叶蟹脚！三文鱼够厚，赤虾够大只，整体黎讲刺身都几新鲜～各款寿司我最欣赏既系呢度啲寿司全部都系细细旧，可以试好多款既同时又唔洗惊食寿司食到饱晒，啱晒我呢啲咩都想试下既人～松叶蟹膏手卷；海胆手卷呢度嘅手卷都系好迷你～海胆都算新鲜！芝麻鸡翼跟住就到我好钟意既芝麻鸡翼喇！！够热得黎炸得又脆，正~盐烧鸡翼；盐烧鸡软骨食放题就点都要食下串烧，点少得我最钟意既鸡翼同鸡软骨~两样野都烧得好香，味道啱啱好，唔会话太咸或者太淡！鸡软骨卜卜脆，唔会话太硬，正！吉品鲍汁烩花胶盛宴好少见到放题有得叫花胶，就试下佢啦！花胶炆得够淋又够入味，好食！甜品款式够多，味道都唔错～每人仲有一杯haagen-daz