美味餃子店

营业中

休息中

旺角太子都应该系香港最多餐厅的区域，系呢度要做咁耐生意，仲要长期keep住有人排队食的餐厅一定系有高水准的食品。夜晚7点都未到黎到门外，已经见到有10几人排队，真系唔出奇。绝对唔系人排我又排的心理，而系之前食过一次，知道排一阵队系绝对值得，大家目的都系为左呢间小店的饺子。好的菜色贵精不贵多，一个野葛菜煲生鱼猪骨汤同大大只饱满的饺子已经好吸引。大碗的云耳椰菜肉饺拼白菜饺，一咬落去鲜肉汁爆发，加上椰菜的自然甜味，简单味美。北方饺子皮比南方饺子皮厚实一点，亦因为咁先可以包更多的材料。一碗十只加上饮晒D汤真系几饱。 汤底系冇味精野葛菜煲生鱼猪骨汤，清甜又润喉，好多人都专门黎都系为左啖汤。另一个煎云耳椰菜肉饺，新鲜滚热辣煎出黎的饺子系金黄色充满香味，一口咬落去非常脆口的表皮，再加上啖啖多汁的猪肉同椰菜，令人食唔停口。再加上秘制辣椒油，香口又惹味的味道真系爱辣之人必试。整体上绝对可以讲系平靓正，睇住D姐姐系店内不停咁包饺子，真系睇到同食落都觉得新鲜。绝对值得食过再食呀。