Pepper Lunch (1亞太中心)

营业中

休息中

每次去APM都好怕人多，食个饭都要等成粒钟，再唔系就要同人逼food court。但其实离APM近近地既OPC都好多野食，而且环境静啲又无咁多人。呢间pepper lunch位于OPC既二楼，地方大，而且俾完钱之后职员就会编好位再直接送到你位上，比起一般food court要自己捧餐方便得多～枱上亦有调味料供客人自用，中意倒几多蜜糖汁都得有薯蓉、粟米、牛肉同汉堡扒，比较丰富既套餐，配一碗白饭。烧烤汁已经预先加左落去，汁落得比较少，唯有自己加返啲蜜糖汁。牛肉偏瘦，但唔会韧，份量唔多；汉堡扒够厚身，但感觉捞得太多面粉，口感好粉好糜。薯蓉整得唔错，有薯仔味之余亦有奶油香。 牛肉几多几抵食但用既系肥牛片，肥膏部份较多。寿喜烧汁偏咸，建议先加一半，唔够味先再调味。配料好多，菇索哂酱汁后更惹味，好送饭，唔错既一个配搭去开观塘想揾个清静既地方舒舒服服坐下食下野，呢栋大厦不失为一个好既落脚点。