百味鮮辣蟹專門店 (已結業)

今晚一众饭脚话想食蟹，早几日我问另一识食老友近排鹅颈桥辣蟹店边间最得，点知佢就介绍我黎呢间石塘咀德辅道西均益大厦一期近屈地街电车总站嘅「百味鲜」。果然冇令成班饭脚失望，避风塘炒蟹够香够干身，芝麻鸡所有人赞话正，其他例如浓汤桂鱼片、炒蚬、炸猪手等等都好食，价钱仲要几实际，唔怪得周一晚上位处人流不多马路嘅小店，都一直有客人不断出入，翻到枱做到多过一转。