影片
更多
2013-08-09
694 浏览
宝贝知我中意食辣嘢,所以早两个月已经好想带我黎试一下激辣既感觉佢推介得令我非常期待,可惜佢身体一直抱恙,两个月后既今日终于可以一试~~为免出现不必要的意外(去到冇位),我地早一个星期已经订左枱,听电话的阿姐仲叮嘱我早少少黎等位,我心谂一定系好正~去到门口见到有几个人座喺出面唔知系排队定系抽烟,店入面装修带有丰富的四川风味,木做的枱掎同特色的摆设,仲有好多可以买走的辣椒制品,.地方唔算好大,细细的枱椅同窄窄的走廊,好似我呢D米之连的身材出入真系有少少困难好在有订枱,晚饭时段都相当多人~宝贝黎到~已经急忙点菜~菜谱D相好吸引,只系两个人唔食得好多款~最后决定点左佢地最招牌的口水鸡,麻辣凉伴,水煮鱼.麻辣鱼腩,点知统统中伏..全心全意黎谂住食到出汗的我地..成餐饭除左体会到’图片只供参考’’之外,一D 麻辣感都冇..仲食到有少少委屈的感觉…招牌口水鸡 –鸡件好细好散,似醉鸡的质感,冇口水鸡的辣味~唔止唔辣,仲好多鸡皮,唔好食~辣酒煮花螺 – 菜式系用煲仔咁上枱,细火滚滚下感觉好正~而且有阵阵的酒香,花螺都算新鲜,唔会有好腥的感觉,又唔会太细粒,至少唔会挑到手软~一路倾计一路挑,都唔错!!麻辣
佢推介得令我非常期待,可惜佢身体一直抱恙,两个月后既今日终于可以一试~~
为免出现不必要的意外(去到冇位),我地早一个星期已经订左枱,
听电话的阿姐仲叮嘱我早少少黎等位,我心谂一定系好正~
去到门口见到有几个人座喺出面唔知系排队定系抽烟,
店入面装修带有丰富的四川风味,木做的枱掎同特色的摆设,仲有好多可以买走的辣椒制品,.
地方唔算好大,细细的枱椅同窄窄的走廊,好似我呢D米之连的身材出入真系有少少困难
好在有订枱,晚饭时段都相当多人~
宝贝黎到~已经急忙点菜~菜谱D相好吸引,只系两个人唔食得好多款~
最后决定点左佢地最招牌的口水鸡,麻辣凉伴,水煮鱼.麻辣鱼腩,点知统统中伏..
全心全意黎谂住食到出汗的我地..
成餐饭除左体会到’图片只供参考’’之外,一D 麻辣感都冇..仲食到有少少委屈的感觉…
招牌口水鸡 –鸡件好细好散,似醉鸡的质感,冇口水鸡的辣味~唔止唔辣,仲好多鸡皮,唔好食~
辣酒煮花螺 – 菜式系用煲仔咁上枱,细火滚滚下感觉好正~而且有阵阵的酒香,花螺都算新鲜,唔会有好腥的感觉,又唔会太细粒,至少唔会挑到手软~一路倾计一路挑,都唔错!!
麻辣凉伴 – 好丰富的麻辣味~加上新鲜生蒜感觉好香好正!! 可惜粉皮质感好差,唔爽口仲一夹就断,一D口感都冇,好在有美味的麻辣汁伴住,如果唔系都好难入口
麻辣鱼腩 – 见到隔离枱一个个煲仔咁喺枱上面,觉得个FEEL好正,所以都唔执输学人点个煲仔,
上枱既时候似模似样,卖相同张相差唔多,食落同我地想像差好远,我地点左麻辣鱼腩,但系一D麻辣味都冇,仲觉得有点过咸,鱼腩份量适中,唔算太细,但系由于佢系先炸起再放上去个煲仔到煲,所以好难吸收煲入面D麻辣味,由已经唔麻辣变得更加唔麻辣…好失望~
水煮鱼 – 试左三样食人失望的作品,宝贝话相信店里面总有一样产品应该相当出色~
所以揾个服务员黎推介一下, 服务员好快咁就点左个水煮鱼比我地,话系极品招牌菜,大部份等人都一定点呢味菜咁话㖞~于是我地都冒一个险试一试~点知又…
招牌水煮鱼 – 只系个样已经同张相差距好远,相中的水煮鱼系活埋喺D辣椒当中,现实当然唔系咁LA!D汁劲咸又唔辣,鱼件少少几片喺面层,下面就系D疑似暑粉既物体,
加上D煮得好淋既芽菜
我地一睇个样就知唔会好食,所以好
小心咁夹左D鱼片,鱼片一夹就烂,而且入口好重鱼腥味,
我地尝试叫人退左佢,个服务员来到,仲想话我地点得多,到我地同佢讲系D鱼好唔新鲜,佢支吾以对咁话冇得退仲行开左…到我地揾过第二个服务员再讲多次,佢居然话: 可能系D味唔啱,但D鱼我地日日㓥咁多条,一定系新鲜~!!当我地同佢讲想话退返唔要,佢就话: 紧系冇得退LA,都整左咯…就咁行开左..最后地紧系唔会格硬话要退钱,只好话比自己知: 见识过LA~…
食到咁,我地都想快D离开…埋单位位$ 200,真系唔抵~!
相信呢到会比我地列入don’t come again 的名单当中~
张贴
