影片
更多
2019-05-25
1172 浏览
纯粹经过，见到装修OK，同两个朋友入去试。食完真系忍唔住要立即写食评。叫左两份羊扒（$98@）、一份牛扒（$98）、分别配薯蓉、香草饭同意粉。加$38转成套餐有汤、沙律、多士同餐饮。呢个价钱仲要系工厦楼上，贵过翠华但质素同份量都令人失望。三文鱼蕃茄汤用个甜品杯大小嘅汤碗上，只系有味水，重要系鱼腥味，完全无任何汤料。个多士细到好似粒麻雀牌咁，不过都算脆口。沙律不过不失。果三块扒完全系茶记质素，牛扒又干又硬，重有成犬条筋喺度，羊扒无味，靠个汁吊味。个薯蓉明显系用粉开，乜味都无。（上碟时跟错意粉，薯蓉后补番。）最后叫果杯咖啡，唉，竟然系用咖啡粉开，上桌时D咖啡粉仲要结左少少粒未溶哂。开头问侍应蛋糕系乜有冇样睇下，佢话无。最后都系以身试伏叫左件栗子芝士蛋糕，点知等好耐先上，一上枱就知点解：系果D买番黎一个放喺冰格果种，所以等无咁硬先切到。呢旧蛋糕好细件，重要够胆死正价收$40（跟餐减$10）。成餐真系食到个心凉左一截。有时想支持下D小店，话地舖租贵你搬上楼上舖仲要系工厦但食物质素又咁样，其实想点？
叫左两份羊扒（$98@）、一份牛扒（$98）、分别配薯蓉、香草饭同意粉。加$38转成套餐有汤、沙律、多士同餐饮。
呢个价钱仲要系工厦楼上，贵过翠华但质素同份量都令人失望。三文鱼蕃茄汤用个甜品杯大小嘅汤碗上，只系有味水，重要系鱼腥味，完全无任何汤料。个多士细到好似粒麻雀牌咁，不过都算脆口。沙律不过不失。
果三块扒完全系茶记质素，牛扒又干又硬，重有成犬条筋喺度，羊扒无味，靠个汁吊味。个薯蓉明显系用粉开，乜味都无。（上碟时跟错意粉，薯蓉后补番。）
最后叫果杯咖啡，唉，竟然系用咖啡粉开，上桌时D咖啡粉仲要结左少少粒未溶哂。
开头问侍应蛋糕系乜有冇样睇下，佢话无。最后都系以身试伏叫左件栗子芝士蛋糕，点知等好耐先上，一上枱就知点解：系果D买番黎一个放喺冰格果种，所以等无咁硬先切到。呢旧蛋糕好细件，重要够胆死正价收$40（跟餐减$10）。成餐真系食到个心凉左一截。
有时想支持下D小店，话地舖租贵你搬上楼上舖仲要系工厦但食物质素又咁样，其实想点？
49 浏览
0 赞好
0 留言
张贴
