嚐越 (已結業)

我见食评有咁多唔好，我最初有点担心，但一路食落去，其实都冇乜野好弹！我食左大虾柚子沙律，香草墨鱼饼，南越爽烧蟹钳，顺化烤肉虾片，尝越炒饭，南乳吊烧鸡，冻清甜椰青。我个人除左唔太钟意个沙律之外，其他都好好味，其实沙律都唔差，但就系柚子同大虾分得好开，味道各还各，唔系好MIX得埋咁！但都系好新鲜既！墨鱼饼好嫰，我觉得值得食，烤肉虾片好香口，唔错，尝越炒饭都好味，吊烧鸡真系全日最好味既野！皮薄薄脆脆，好脆，不过怕咸既人就未必适合。埋单361, 算合理啦！我同老公两个人食咋，食到捧住个肚走！总括黎讲每样野都唔系话差，但想食到越南风味既话，就唔系黎呢度LAW