儷廊咖啡室 (裝修中)

听讲呢度甜品唔错又多款，咁岩朋友又有张coupon就去试下啦。入到去间野都算大，可能因为比较早去又系闲日所以都唔算好多人。食物方面，因为本身我就系为左甜品黎食既，热盘都冇咩点留意，但有个咖喱味道唔错，唔算好spicy。炸牛肉切个阵有点难切，但食落口反正冇咩野，唔会话好难咬。不过值得一提既系佢新出左个海鲜九层塔，因为都好少自助餐会做呢d，反正都系就试一试。佢个塔入面有好多海鲜既，面包蟹圣子果d都有，我主要试左几只贝类，有青口带子圣子同蚬，味道都好鲜甜，唔错!本身有个朋友唔可以食太多生冷野都可以放心咁食海鲜，不过两个汤都有点偏咸，就咁食反而仲好食Ｄ。而且佢有个厨师会企系度，你同佢讲要咩佢就会帮你夹，唔洗怕迟少少去就比人拎哂Ｄ好野。然后重点要提既就系甜品啦！间buffet真系有唔少种类既甜品，而且都比较细件，例如蓝莓芝士蛋糕、朱古力蛋糕同埋拿破伦都唔错，我可以每样试下都唔会话搞到太饱，仲有只雪糕马卡龙，我以为佢系朱古力味，点知原来佢入面既雪糕系mango同薄荷朱古力，都算系一个惊喜。另外仲有细细个葡挞，外面层皮好脆，拎个阵都差Ｄ整碎左，暖暖地几好食，我都食左３～４个。同埋个朱古力喷泉可以点住