牛たん大輔 (已結業)

去日本旅行，我一定会预一餐食烤牛舌。香港虽然都有一两间烤牛舌店，但系香港人眼中，始终唔系大众化日本菜，所以都难成气候。难得仲有人够胆开牛舌店，牛舌粉丝当然要去。「牛たん大辅」位于尖沙咀赫德道，人流比较少，都唔驶等位。甫入店，一大阵油烟味扑鼻而来，抽风系统比较差，同埋冷气亦不足，要有心理准备。主要供应几款牛舌定食，分别在于口味，包括招牌（即系原味）、照烧、红汁炆、咖喱等，日本唔会有咁多花款，但始终要迁就香港人多心特质，要整多几款都难免。我当然食招牌烧牛脷定食（$138），大致上跟足日本咁，付上牛尾汤、白菜渍、麦米饭同埋小碟的煮牛脷粒。呢度系用比较嫩的牛脷芯部位，烤至刚刚熟，所以里面仍会有少少好似未熟透的粉红色。可能切得比日本薄，再加上系偏腍的口感，所以冇左系日本食到的爽脆滋味。盐的调味亦明显唔够，味道偏淡，不过大家大可以跟住店方的建议食法帮牛脷增味，可以点d日本粗盐、wasabi酱油或者柠檬汁。日本的牛尾汤系清香得来带微辛，但大辅的系偏浓，感觉有点似味精汤，还好饮完唔会太口渴。白菜渍分量几多，味道清爽，冇咩酸味，当作食一般蔬菜解腻还可以。煮牛脷粒都算腍，味道一般。虽然老板系日本人，佢又专