影片
更多
2022-10-20
1096 浏览
星期五放工去旺角食饭，我哋呢晚帮衬咗近嚟🔥炙手可热嘅「吃扒」。虽然到达已经成八点半钟，不过餐厅仍然满座，要等咗阵位先入得，人气超高呢👏！餐厅门口本身已经系一大个打卡位，紫色外墙好吸睛💜。店舖内嘅装修仿效传统港式扒房嘅设计，木系家私再配以暗色调灯光，气氛都几浪漫🌹，但星期五晚爆场就会嘈啲、热闹啲啦～。顾名思义，嚟得呢间餐厅就当然系食扒🥩，佢主打多款铁板餐同意粉饭等，估唔到嘅系竟然仲有生酮料理Keto。餐厅定价唔贵，难怪咁多人帮衬。热熔芝士纽西兰牛柳($188)，我相信有唔少人嗌呢道菜都系为咗热熔芝士🧀，不过其实其他扒都可以加$18跟配的。餐厅明白仪式感嘅重要性🤣，芝士以煎Pan装住，并喺客人面前点火，再将流质嘅芝士倒上牛扒面。题外话，扒餐可自行选配饭/面/薯菜以及酱汁。🐮纽西兰牛柳有成两大件，形状唔系四四方方，而系似一般牛扒。牛柳肉质好软腍，生熟度控制得宜，我本身嗌五成熟，加上铁板嘅热力啱啱好，并无变韧。芝士唔咸，但反而膻味几劲，配薯条食特别明显，不过出奇地配扒食又唔觉㖞，好得意😎。三文鱼扒伴烟肉椰菜花饭($158)，🥦虽然我唔系生酮饮食者，不过都钟意食椰菜花饭，因为感觉健康啲，食落又无
星期五放工去旺角食饭，我哋呢晚帮衬咗近嚟🔥炙手可热嘅「吃扒」。虽然到达已经成八点半钟，不过餐厅仍然满座，要等咗阵位先入得，人气超高呢👏！
餐厅门口本身已经系一大个打卡位，紫色外墙好吸睛💜。
店舖内嘅装修仿效传统港式扒房嘅设计，木系家私再配以暗色调灯光，气氛都几浪漫🌹，但星期五晚爆场就会嘈啲、热闹啲啦～。
顾名思义，嚟得呢间餐厅就当然系食扒🥩，佢主打多款铁板餐同意粉饭等，估唔到嘅系竟然仲有生酮料理Keto。餐厅定价唔贵，难怪咁多人帮衬。
热熔芝士纽西兰牛柳
$188
55 浏览
0 赞好
0 留言
热熔芝士纽西兰牛柳($188)，我相信有唔少人嗌呢道菜都系为咗热熔芝士🧀，不过其实其他扒都可以加$18跟配的。餐厅明白仪式感嘅重要性🤣，芝士以煎Pan装住，并喺客人面前点火，再将流质嘅芝士倒上牛扒面。题外话，扒餐可自行选配饭/面/薯菜以及酱汁。
🐮纽西兰牛柳有成两大件，形状唔系四四方方，而系似一般牛扒。牛柳肉质好软腍，生熟度控制得宜，我本身嗌五成熟，加上铁板嘅热力啱啱好，并无变韧。芝士唔咸，但反而膻味几劲，配薯条食特别明显，不过出奇地配扒食又唔觉㖞，好得意😎。
三文鱼扒伴烟肉椰菜花饭
$158
67 浏览
0 赞好
0 留言
三文鱼扒伴烟肉椰菜花饭($158)，🥦虽然我唔系生酮饮食者，不过都钟意食椰菜花饭，因为感觉健康啲，食落又无咁滞。菜花切得好碎，混合忌廉芝士同烟肉🥓，散发咸香。三文鱼扒同想像中唔同，佢唔系一大块𠮶种煎鱼扒🐟，而系似熟咗嘅烟三文鱼片，但就当然无任何腌味，比较清淡。
朱古力心太软配雪糕
$58
28 浏览
0 赞好
0 留言
铁板餐可加$25转套餐，跟餐包、汤、甜品同饮品。汤可拣西汤或中汤，西汤系罗宋汤🍅，餐包就系似曾熟悉嘅模样。
生酮餐就加$20转套餐，跟汤同饮品。中汤系青红萝卜猪骨汤🥕，中汤拼铁板餐坚系港式扒房嘅特色之一，哈哈。
跟餐甜品系彩针朱古力布朗尼🌈，朱古力味同心太软类同，但口感就痴牙啲。
饮品方面，我哋要咗雪糕红豆冰(特饮+$15)同冻柠茶(+$3)。红豆冰几高质，雪糕带椰子香🥥，而红豆份量多，又煮得够绵，一啲都唔马虎。
总括嚟讲，呢间餐厅从环境到食物，都能还原传统港式扒房嘅风味🇭🇰，并同时注入新派元素，整个用餐体验都算让人满意😊。
张贴
