影片
更多
2022-11-08
1232 浏览
几年前系台湾食过，一直都对佢哋嘅汤底心心念念～终于等到佢哋进军香港，等热潮过左先去食，就唔洗同人迫啦～ 当日系星期日夜晚，唔洗book枱可以直入🍽食物✨冰淇淋豆腐锅+无老辣香锅 $156 ($78@1) 8/10鸳鸯锅额外收费+$88汤底就系佢哋嘅招牌！白汤系冰淇淋豆腐锅，药膳汤底鲜甜，冰淇淋豆腐$10一粒，由鱼浆同花枝浆混合而成，口感几得意可以过吓口瘾，不过一粒嘅价钱就有啲贵；红汤系无老辣香锅，但其实系唔辣嘅，比起白汤会多左阵药材香气，层次更丰富，无论嗌边个汤底都可以任食鸭血同面包豆腐，吸满汤汁好正🤤其实成餐饭真系斋食鸭血同面包豆腐都饱🤣👍🏻特选牛拼盘 $498 7/104款牛分别系封门柳、牛王喉 、牛颈脊同牛边爪，睇卖相都见到油花几均匀嘅，封门柳嘅牛味最浓郁，牛王喉嘅口感好爽脆，渌十几秒就食得，牛颈脊比较有咬口，唔小心渌耐左会有啲韧，牛边爪油香都重，比较淋。但系呢个份量要成500蚊真系觉得有啲唔抵，系其他专门食牛嘅边炉店份量会更多👍🏻珊瑚蚌 $158 7/10质地爽口，味道鲜甜，无论放系白汤或者红汤嘅味道都好夹，而且同汤底嘅鲜甜相得益彰👍🏻浓香豆皮 $68 7/10有4块大大嘅炸豆
🍽食物
✨冰淇淋豆腐锅+无老辣香锅 $156 ($78@1) 8/10
鸳鸯锅额外收费+$88
汤底就系佢哋嘅招牌！白汤系冰淇淋豆腐锅，药膳汤底鲜甜，冰淇淋豆腐$10一粒，由鱼浆同花枝浆混合而成，口感几得意可以过吓口瘾，不过一粒嘅价钱就有啲贵；红汤系无老辣香锅，但其实系唔辣嘅，比起白汤会多左阵药材香气，层次更丰富，无论嗌边个汤底都可以任食鸭血同面包豆腐，吸满汤汁好正🤤其实成餐饭真系斋食鸭血同面包豆腐都饱🤣
👍🏻特选牛拼盘 $498 7/10
4款牛分别系封门柳、牛王喉 、牛颈脊同牛边爪，睇卖相都见到油花几均匀嘅，封门柳嘅牛味最浓郁，牛王喉嘅口感好爽脆，渌十几秒就食得，牛颈脊比较有咬口，唔小心渌耐左会有啲韧，牛边爪油香都重，比较淋。但系呢个份量要成500蚊真系觉得有啲唔抵，系其他专门食牛嘅边炉店份量会更多
👍🏻珊瑚蚌 $158 7/10
质地爽口，味道鲜甜，无论放系白汤或者红汤嘅味道都好夹，而且同汤底嘅鲜甜相得益彰
👍🏻浓香豆皮 $68 7/10
有4块大大嘅炸豆皮，有啲似响铃🤣不过要煮耐啲，汤底嘅味道先会慢慢渗入去
👉🏻脆炸手工韮菜饺 $78 6.5/10
细细粒嘅韮菜饺即叫即炸，上到枱仲热辣辣，入面系满满嘅韮菜，都几香，不过唔算好特别，可以唔嗌
✨水蜜桃沙冰 8/10
呢个系每枱都有嘅免费甜品，水蜜桃沙冰酸酸甜甜，味道好清爽，食完一餐重口味嘅火锅再食返个沙冰真系好鲜腻！
⛩环境
👍🏻装修同台湾店面差唔多，都系简约嘅风格，而且位置好阔落，坐得舒服，自助区都好企理
💁🏼♀️服务
👍🏻服务态度一流，会留意到客人嘅唔同需要，无论系斟水、定系refill鸭血同面包豆腐，速度都好迅速😂
📝总评 7/10
汤底嘅味道同台湾本店冇分别，都系好浓郁鲜甜，不过会愈滚愈浓，食到最后有啲咸，要适时加返啲水。食物质素唔错，不过CP值真系唔高😂对比系台湾嘅物价系相差成倍咁济，香港食仲会限时90分钟，如果多啲人食可能会食得冇咁尽兴，可能下次都系飞去台湾食开心啲🫣
👛人均消费 ~$576 (连加一服务费)
⏱限时90分钟
张贴
