影片
更多
2021-03-31
264 浏览
今次带咗妹妹嚟黑木亭，再尝日本居酒屋嘅味道😋薯仔沙律成座山咁，薯仔、红萝卜、青瓜以沙律酱拌匀，有微微嘅芥末味，加上面头嘅蟹肉同蟹籽，美味又开胃。蟹甲罗烧系必嗌嘅！鲜味浓郁嘅蟹膏烧热后同蟹肉、蟹籽、生鹌鹑蛋捞匀，配埋脆口嘅多士，非常滋味。串烧之中我同妹妹一致认同广岛蚝最好味～蚝身烧得好靓，外面扫咗层甜甜地嘅酱汁，同蚝嘅鲜味好夹，蚝肉亦饱满；免治鸡肉棒味道腌得好，咬到啲软骨口感唔错，酱油蛋汁亦唔会太咸；骨付肉肠脆皮，有少许肥肉食落juicy；冬菇烧得唔干有炭香味。压轴嘅和牛三文治果然够惊喜！依道菜并唔止和牛咁简单，三文治分别配上黑松露酱同海胆，上菜时先系闻到黑松露嘅香气，但食落海胆亦都好出色，味道鲜甜；吉列和牛大概炸至七成熟，依然能够锁住肉汁，肉味香得嚟有和牛肥美嘅口感，配黑松露酱同海胆别有风味，点他他酱又系唔同嘅滋味。少女心爆发嘅士多啤梨乳酸味道偏甜，杯身做到渐层嘅错觉；蜜桃乌龙茶就较清甜，解渴解腻。依餐人均HK$500左右，居酒屋嚟讲价钱可接受～黑木亭除咗食物之外，装修同餐具都充满日本风味，播埋热血嘅日文歌，营造到居酒屋嘅氛围👍🏻
薯仔沙律成座山咁，薯仔、红萝卜、青瓜以沙律酱拌匀，有微微嘅芥末味，加上面头嘅蟹肉同蟹籽，美味又开胃。
蟹甲罗烧系必嗌嘅！鲜味浓郁嘅蟹膏烧热后同蟹肉、蟹籽、生鹌鹑蛋捞匀，配埋脆口嘅多士，非常滋味。
串烧之中我同妹妹一致认同广岛蚝最好味～
蚝身烧得好靓，外面扫咗层甜甜地嘅酱汁，同蚝嘅鲜味好夹，蚝肉亦饱满；免治鸡肉棒味道腌得好，咬到啲软骨口感唔错，酱油蛋汁亦唔会太咸；骨付肉肠脆皮，有少许肥肉食落juicy；冬菇烧得唔干有炭香味。
压轴嘅和牛三文治果然够惊喜！依道菜并唔止和牛咁简单，三文治分别配上黑松露酱同海胆，上菜时先系闻到黑松露嘅香气，但食落海胆亦都好出色，味道鲜甜；吉列和牛大概炸至七成熟，依然能够锁住肉汁，肉味香得嚟有和牛肥美嘅口感，配黑松露酱同海胆别有风味，点他他酱又系唔同嘅滋味。
少女心爆发嘅士多啤梨乳酸味道偏甜，杯身做到渐层嘅错觉；蜜桃乌龙茶就较清甜，解渴解腻。
依餐人均HK$500左右，居酒屋嚟讲价钱可接受～黑木亭除咗食物之外，装修同餐具都充满日本风味，播埋热血嘅日文歌，营造到居酒屋嘅氛围👍🏻
张贴
