影片
更多
2017-07-01
153 浏览
「原」字有解作最先嘅意思，如原本、原来，亦有解作最基本，如原始、原料，小弟并非读文科出生，个肚墨水都无半滴。只喺初时听朋友讲话去太子「原艺」食晏，因为花墟就晌太子，以为有家叫「园艺」嘅餐厅，当然喺搞错啦，当得知正名喺「原艺」，英文为Original Art就明白店主做菜嘅路线，绝无故弄「原」虚。走进餐厅，店子非常细，就只有6个吧位，枱局似酒吧，所以，较适合两个人嚟食吓饭。然而，餐厅装修几骨子，尤其地板砖，有种欧陆味道。晌入门口时，已发觉有座巴黎铁塔嘅装饰，言谈间，原来极之后生嘅店主兼大厨喺从法国蓝带学院学成返嚟，厨房设计成半开放式加单边吧位，就喺想同客人有多啲交流。安坐后，发觉背后有几樖小植物，并非普通装饰用，有煮开嘢嘅朋友一睇啲牌仔就知喺啲香草嚟，坚真喺用嚟做菜。讲完环境，就讲讲餐牌，餐牌十分简单，两页纸，一张喺散点菜式（前菜、咸泡芙、串烧），另一张喺午市套餐，我哋嚟都喺以午市套餐为目标，定价$108，包前菜、主菜及饮品，唔收加一，另有汤品及甜品加配优惠。然而，主菜只有3款选择。油封蕃茄先嚟一道简单前菜，油封蕃茄无论睇落、食落都跟意大利嘅干蕃茄好相似，入口有朕油香，蕃茄味好浓郁。黑松
走进餐厅，店子非常细，就只有6个吧位，枱局似酒吧，所以，较适合两个人嚟食吓饭。然而，餐厅装修几骨子，尤其地板砖，有种欧陆味道。
晌入门口时，已发觉有座巴黎铁塔嘅装饰，言谈间，原来极之后生嘅店主兼大厨喺从法国蓝带学院学成返嚟，厨房设计成半开放式加单边吧位，就喺想同客人有多啲交流。
安坐后，发觉背后有几樖小植物，并非普通装饰用，有煮开嘢嘅朋友一睇啲牌仔就知喺啲香草嚟，坚真喺用嚟做菜。
讲完环境，就讲讲餐牌，餐牌十分简单，两页纸，一张喺散点菜式（前菜、咸泡芙、串烧），另一张喺午市套餐，我哋嚟都喺以午市套餐为目标，定价$108，包前菜、主菜及饮品，唔收加一，另有汤品及甜品加配优惠。然而，主菜只有3款选择。
油封蕃茄先嚟一道简单前菜，油封蕃茄无论睇落、食落都跟意大利嘅干蕃茄好相似，入口有朕油香，蕃茄味好浓郁。
黑松露蘑菇浓汤 +$58见个是日推介餐牌标示一客浓汤要$88，依家跟餐加$58就可以试到。虽然份量细细，但饮一口就已经感觉到个质素，黑松露嘅幽香好突出，又打得细腻幼滑，喺一道出色嘅浓汤。
橄榄油蒜香意大利粉 $108传统而基本嘅意大利面，最重点嘅口感合格，意粉咬落烟韧无过火情况，经橄榄油洗礼，油润度啱啱好，而且，每口都带蒜香，好平均。不过，以要求多多嘅香港人而言，可能会觉得单调、普通，又会嫌份量少。
大虾黑松露意大利饭 $108相比个意大利面，依个意大利饭明显就做得精致多啲，唔单话佢啲鲜虾去晒壳仲砌得靓仔又立体，就连饭粒都倒模出嚟衬番个碗。食个意粉都觉得大厨手势扎实，个饭同样出色，饭粒煮得刚好，极有咬口，黑松露亦无落得手松，大虾鲜甜爽弹，成件事都好完美。
格雷伯爵茶无咖啡，小弟就配杯伯爵茶，茶包采用川宁品牌，质素差唔得去边。入口茶香，细味，让人舒畅。
特调果汁友人拣咗果汁，佢话法尝一口，先喺橙香，再慢慢渗出芒果清甜，感觉天然清爽，相信喺橙汁拼芒果汁。
苹果挞 $28因为主菜嘅份唔算多，友人话再容下甜品喺绝无问题。从餐牌所见，亦只有两款甜点。先试件苹果挞，挞面放上一片苹果软片，再加朶食用花，卖相见精致。
挞壳松化，带点牛油香，挞内填满苹果蓉，质感十分软滑，味道天然清甜，但有别苹果批类甜点，喺无加入玉桂作味引，友人就钟意佢少甜。
伯爵茶蛋糕 $28另一款甜点亦做得唔错，清晰可见一层叠一层，海绵蛋糕、伯爵茶慕丝、朱古力慕丝嘅组合，亦加咗少少干花做装饰，当中伯爵茶味非常突出。唯一挑剔喺饼面切割有丁点岩巉，可以再做得顺滑啲。
轻松松嘅一餐午饭，再加上食物具水准，喺一个周日悠闲好节目。后生仔有梦想确喺好事，盼望能越做越好，做到面面俱「原」。
张贴
