影片
更多
2024-03-22
60 浏览
岩岩去完福冈，已经好挂住当地美食，然后呢排返左香港要派手信，约左朋友去食下九州料理，所以拣左呢间餐厅。原本只系打算怀念下九州风味，谁不知连环境、气氛都仿似系日本，朋友们同我都觉得好似去左日本食饭咁！餐厅有个open kitchen，睇住厨师们忙碌地工作，仲有日籍厨师坐阵，能够比客人睇到佢地有自信地烹调既面貌。另外餐厅亦会搞下气氛，生日会唱生日歌，厨师、店员亦会同客人们一齐举杯庆祝。炭火烧鲣鱼 $98餐厅限定当日新鲜鱼，每日不同，当日既新鲜鱼系鲣鱼，厨师用禾秆草加备长炭火烧表面，做成半生熟，食落带有烟熏香，鱼肉带有鲜味，伴碟配有蒜蓉、葱花、芥末，可因个人口味加配。铁盒烧广岛生蚝 $240 （芝士 +$48）用铁盒烧生蚝几特别，烧完店员会帮忙开蚝，我地只要安坐座位用筷子轻松就食得。生蚝好大只、肥美、多汁，入口有少少sake香味，口感饱满，另外加左$48加Raclette Cheese，芝士既奶香同咸香味令生蚝多左分层次感。栃尾油炸豆腐伴魩鱼仔 $78油炸豆腐干身松软，完全无油腻感，配魩鱼仔（即系白饭鱼）同姜蓉一齐食，咸香味道带少少鲜味。鰯鱼伴明太子 $118鰯鱼又名沙丁鱼，原条沙丁鱼以炭火
原本只系打算怀念下九州风味，谁不知连环境、气氛都仿似系日本，朋友们同我都觉得好似去左日本食饭咁！
餐厅有个open kitchen，睇住厨师们忙碌地工作，仲有日籍厨师坐阵，能够比客人睇到佢地有自信地烹调既面貌。另外餐厅亦会搞下气氛，生日会唱生日歌，厨师、店员亦会同客人们一齐举杯庆祝。
炭火烧鲣鱼 $98
餐厅限定当日新鲜鱼，每日不同，当日既新鲜鱼系鲣鱼，厨师用禾秆草加备长炭火烧表面，做成半生熟，食落带有烟熏香，鱼肉带有鲜味，伴碟配有蒜蓉、葱花、芥末，可因个人口味加配。
铁盒烧广岛生蚝 $240 （芝士 +$48）
用铁盒烧生蚝几特别，烧完店员会帮忙开蚝，我地只要安坐座位用筷子轻松就食得。
生蚝好大只、肥美、多汁，入口有少少sake香味，口感饱满，另外加左$48加Raclette Cheese，芝士既奶香同咸香味令生蚝多左分层次感。
栃尾油炸豆腐伴魩鱼仔 $78
油炸豆腐干身松软，完全无油腻感，配魩鱼仔（即系白饭鱼）同姜蓉一齐食，咸香味道带少少鲜味。
鰯鱼伴明太子 $118
鰯鱼又名沙丁鱼，原条沙丁鱼以炭火烧香，加上九洲名物明太子，咸香味中和左沙丁鱼原本既腥味，所以食落无腥味。
姜葱醋鲭鱼卷 $98
用昆布卷住子姜、葱、紫苏叶同鲭鱼，食落几fresh，因放左好多子姜，子姜味重。钟意食酸菜类既朋友应该会喜欢呢道菜。
炭火烧鸡 $168
去福冈时食过好好味，所以见餐牌有就叫一份，呢度用日本交趾鸡既鸡肉，鸡肉结实有咬口感，炭火味浓郁，旁边配有明太子酱。
山芋明太子铁板烧 $78
将山芋整成泥蓉，口感绵密带有黏口感，入面有八爪鱼碎、明太子、生鸡蛋，增加口感。
炭火鲭鱼寿司 $108
寿司大大件，师傅将寿司饭压到好实，寿司醋饭好香但又吾会好酸，鲭鱼以炭火烧过，味道较重咸香，鱼肉口感结实。
北海道布甸 $38一杯
布甸系由日籍厨师亲自做，好香云呢拿同牛奶味，口感未去到日本当地既布甸咁滑，但味道好好。
张贴
