麵屋武蔵 (新鴻基中心) (已結業)

平日晚市客人只有三四枱，服务ok。点左番茄豚骨汤面，再以优惠价加左个一口酱油手羽。拉面汤底调较得唔错，番茄嘅酸甜同猪骨汤嘅咸味好夹，比例几好。面条虽然唔系最cheap嘅港式拉面质素，但同口感弹牙、有麦味、吸汁力强嘅正宗日本拉面仲差好远。碗中白色球状物本以为系蒜泥，食落原来系薯蓉。汤同面温度都好足够，可惜番茄、薯蓉嘅温度影响晒成碗面整体温度，要扣分。温泉蛋不过不失。豚肉份量比一般日本拉面嘅肉量多，虽然薄切，但肉质好有咬口，有惊喜。一口酱油手羽嘅肉质同味道都调配得岩岩好，仲有啲配菜添。大致上味道可以，不过价钱太贵，喺湾仔庄士敦道嘅横街，可以揾到同一价钱或更平嘅正宗日本拉面，相对抵好多。