亞萊嘜嘜 (已結業)

初次入到元朗搵野食，結果近近地見到間泰國菜又咁岩想食，一於入去試一試。睇佢既meun既時嘅，個價錢比起我平時食既泰國菜都係貴少少，都無所謂啦都試試啦。咁到上菜既時候，見到啲碟頭都大份啲都值回票價既，但佢啲野食就一啲好食一啲真係麻麻，咁比較推介就燒豬頸肉同埋佢哋嘅推介蒜香包。豬頸肉嘅外皮都燒得脆口，做到些少外脆內軟既感覺。至於蒜香包都係燒得好香口，而且蒜香味都好夠，但個人建議就嗌多一味咖喱嘅菜式黎用啲咖喱汁配過蒜香包就味道更佳。