影片
更多
2018-07-31
1569 浏览
今晚打算食潮州小炒，其中一间畀电视介绍过嘅，好多人排紧队，转去附近𠮶间，等咗一阵就有位啦。呢间出名嘅系招牌四宝，因为都系煎煎炸炸，今日唔想食。至于点解无食打冷嘢，因为唔知道价钱啰，未睇到。先嚟肉碎蚝仔粥，蚝仔几算大粒，肥美，冇腥味冇潺, 里边有啲冬菜头，加重个粥嘅咸味，弼底睇落好似好少，过咗一阵啲饭粒浸起咗就好似泡饭咁，会满啲，不过但凡系外面食有味粥感觉好似都落左鸡粉。八珍豆腐煲，好耐都无食过呢个𩠌，以前嘅八珍豆腐煲内脏比较多，呢个就有猪润，豆腐，猪颈肉，猪肉，虾，冬菇，鱿鱼，底下边仲有啲芥兰菜，味道系唔错嘅，豆腐足，油少d有更合口味。另一款都好耐冇食嘅椒盐九肚鱼，要外脆内软至好味，今次外边炸得普通脆口，里边系好软滑，但有一旧熟唔透, 唔使点汁都够味道。本来叫马拉盏通菜，但系冇通菜，侍应建议我哋转豆豉鲮鱼油麦菜，油麦菜切得比较短小，碎湿湿咁吸埋啲油，因为豆豉鲮鱼里边嘅油份比较多所至，味道咸咗少少，油麦菜份量比较少，唔够食呢。朋友想试下呢度嘅反沙芋，啲糖溶解后放芋头落去不断炒匀至熟透，厨师将反沙芋先起镬，将净返嘅糖粉加入葱白，葱段落去再炒，所以食落有啲葱香味，认为太甜嘅话可以拨走啲糖粉再
转去附近𠮶间，等咗一阵就有位啦。
呢间出名嘅系招牌四宝，因为都系煎煎炸炸，今日唔想食。
至于点解无食打冷嘢，因为唔知道价钱啰，未睇到。
先嚟肉碎蚝仔粥，蚝仔几算大粒，肥美，冇腥味冇潺, 里边有啲冬菜头，加重个粥嘅咸味，弼底睇落好似好少，过咗一阵啲饭粒浸起咗就好似泡饭咁，会满啲，不过但凡系外面食有味粥感觉好似都落左鸡粉。
八珍豆腐煲，好耐都无食过呢个𩠌，以前嘅八珍豆腐煲内脏比较多，呢个就有猪润，豆腐，猪颈肉，猪肉，虾，冬菇，鱿鱼，底下边仲有啲芥兰菜，味道系唔错嘅，豆腐足，油少d有更合口味。
另一款都好耐冇食嘅椒盐九肚鱼，要外脆内软至好味，今次外边炸得普通脆口，里边系好软滑，但有一旧熟唔透, 唔使点汁都够味道。
本来叫马拉盏通菜，但系冇通菜，侍应建议我哋转豆豉鲮鱼油麦菜，油麦菜切得比较短小，碎湿湿咁吸埋啲油，因为豆豉鲮鱼里边嘅油份比较多所至，味道咸咗少少，油麦菜份量比较少，唔够食呢。
朋友想试下呢度嘅反沙芋，啲糖溶解后放芋头落去不断炒匀至熟透，厨师将反沙芋先起镬，将净返嘅糖粉加入葱白，葱段落去再炒，所以食落有啲葱香味，认为太甜嘅话可以拨走啲糖粉再食。芋头够腍，够粉，系甜咗少少嗻。
张贴
