芽莊越式料理 (新城市廣場) (已結業)

朋友话食过晚饭觉得唔错....自己一向都钟意食越南粉~所以同朋友黎试试~一去到例牌等位, 不过等左10分钟就有位喇, lucky~碗碟同menu令人有清新感觉, 颜色相当match, 见到都开胃左咖哩牛腩 -- 咖哩味唔够香, 不过都ok...牛腩炆得好淋, 正...里面仲加左少少茄子, 竟然同咖哩出奇嘅夹~~法式包 -- 以为系面包, 但竟然系蒜蓉包无左蒜蓉就系法式面包....点咖哩我都系钟意面包多d ...生牛肉金边粉 -- 牛肉食得出系新鲜, 不过唔太生wor, 黎到已经好熟....金边粉劲唔掂, 面质太厚, 未食过咁差嘅金边粉...汤唔够浓味, 呢个粉真系好一般...虾多士 -- 呢个正, 虾新鲜弹牙, 多士脆卜卜.....又热辣辣, 好味.... 不过唔要个多士, 就咁食系虾胶, 我觉得会正d~虽然整体食物唔系最好食, 但都会有下次嘅...仲会想试下佢其他野食