小洋蔥 (已結業)

同屋企人一齐去左小洋葱食下午茶，等左约10分钟先有得入座，不过入到去都未执好枱。餐牌食物款式都算多，餐厅环境都几舒适。点左一个迷你忌廉汁鸡肉焗饭，一个迷你鲜茄香蒜滑虾意粉同一个常餐-沙爹牛肉面配粟米坑纹多士。焗饭唔错，鸡肉原来系一大块既，唔系斩件既，忌廉汁唔太浓亦唔会淡。意粉既番茄酸甜，配埋虾，入口唔错。个常餐就有啲唔值，见到碗沙爹牛肉面份量唔多。粟米坑纹多士卖相同造型精致，试左半件，发现无咩特别，都系普通多士，旁边有啲生菜番茄伴碟。