maze Grill (已結業)

不嬲睇开电视剧集地狱厨神，终于见到佢喺香港开左佢喺英国嘅Maze Grill就好兴奋地今日去试咗。总括嚟讲餐厅嘅环境系冇得弹全部墙身都用真嘅木头，感觉好大自然，加上佢位于系海港城嘅4楼，私隐度不错。所以觉得呢个价钱食个午餐都无可厚非。首先要讲佢嘅面包，佢嘅牛油系摆牛骨入面，好似搽紧骨髓咁样，创意分我俾满分。跟住就系食咗佢个红菜头沙律感觉细碟咗少少但系都还可以跟住食佢呢个烤八爪鱼，呢个真系值得推介因为好新鲜而且啲蒜蓉酱系十分之配合！主菜就有少少失望因为我叫咗个慢煮嘅猪骨咁，上菜𠮶阵时见到佢嘅份量的确系好多，可惜食落去的时候好似感觉食叉烧一样，无咩特别。三文鱼主菜还可以但系冇乜惊喜。总括嚟讲，物非所值。