Attic Handmade Pasta (已結業)

带咗长辈嚟食，老人家。服务好差，好似畀侍应歧视咁，再加上开闩柜门、上菜都好大声好赶客。一枱四个人，上菜时间完全唔同，其中一个人已经食完意粉但其他人嘅main完全未准备好。同茶记有得比意粉还好，正常，但唔系特别出色。可能始终卖点系意粉，所以牛扒完全唔ok, 叫五成熟畀咗七成，牛扒rest嘅时间完全唔够，切嘅时候有好多肉汁流失，配菜完全冇调味，系白烚。Earl Grey Panna Cotta 还好，但有多余嘅糖浆喺面，盖过咗奶同茶刚刚好嘅平衡，而且奶冻本身唔够细滑，觉得如果唔系lunch set $60有前菜同甜品都系唔好乱叫好过⋯⋯见餐厅装修好似想做到高档咁，但咁嘅服务同其他嘢只系一般，似乎离目标仲有一段好长嘅路。