小南國 (已結業)

同朋友出街多数都系食西餐，但系因为已经连续三日食pizza，所以真系够喇!! 好彩行完街想揾野食之际小南国出现眼前，谂都唔谂就要食喇! 因为差唔多九点既关系，唔可以食d太heavy既野，所以三个女仔只系叫左蟹粉炒年糕、窝贴、蟹粉小笼包、生煎包、砂锅云吞鸡。蟹粉炒年糕 - 食呢个𩠌既精髓系靠个醋，本身系无咩味既，不过一加醋黎吊味，蟹粉即刻变得鲜味! 年糕又够稔，有仲d蟹肉丝tim，唔错!窝贴 - 第一次喺小南国食呢类小食，估唔到个造型系咁特别! 味道ok! 蟹粉小笼包 - 有d失望，因为size比较细粒，同埋应该要用红萝白垫一垫个小笼包会好d，因为我地三个都夹烂左，个小笼包痴住左张底纸，d汤漏哂出黎.......生煎包 - 新鲜热辣，个底脆，包面稔，入面仲有好多汤，好浓好鲜甜! 不过都系唔够上海既杨生煎好味~仲有砂锅云吞鸡，不过无得影相，因为系分哂先送上黎，不过都系有d失望，因为d汤好似味精汤咁，同埋比较油腻，不过有好多云吞，似菜肉云吞，好大粒，好似食极都食唔完咁~