椰林閣餐廳 (已結業)

星期日晚，哥哥约食饭，简咗小西湾椰林櫊。去之前，上 open rice 睇吓食评先。哗！好唔惦㖞！食评好差㖞！之不过我哋尊重大佬嘅选择，无转地点。我哋早到，见餐厅内大约有一半吉枱，此外，收银处有两【幢】外卖等人攞。门口放咗外卖纸，望吓先，$36 蚊一个饭，价钱okay㖞！入去坐下来。见到垫枱纸写【因为环保，唔会有清水供应，除非客人要求】但我抬头一望，水吧摆放了数十杯凉开水。心想，如果无客人要求清水，打烊后，啲水会点处置？留番听日用？啲水会唔会系上个星期准备定？点咗软壳蟹牛柳，拿破仑虾仁杂肠炒饭，牛肋骨德国肠，同三文鱼羊扒。软壳蟹牛柳份量够，牛柳又淋又滑。拿破仑虾仁杂肠炒饭好大碟，又好味。其余两样份量够，不过冇试到。总括而言，份量够，味道好。