世華餐廳 (已結業)

间唔中我就钟意去揾吓港式扒食吓，食嘅未必系好上等嘅扒，系成个套餐嘅一种回忆；我一向都有帮衬开呢间世华，自从佢转咗做中菜之后冇咗铁板扒餐，所以我就冇嚟过了，近日发现佢又出返港式铁板餐，当然要返嚟再帮衬吓啦。点知!!!!! 呢度嘅水准已经大不如前，以前我最爱呢度嘅红汤够浓味，黑椒汁够野味，但系今次竟然大失所望。今次嚟嘅红汤...淡而无味，尤如烚菜水...我成碗几乎冇饮过!! 跟住上嘅铁板都够热，先唔讲扒嘅肉质，黑椒汁尚算OK，但系薯条又干又柴，似系无限翻炸嘅手法炮制...意粉就已经放到成干条状，难以入口...至于块扒就唔算靭嘅，但系冇乜肉味。如果再推出返铁板嘅质素系变成咁嘅话，我相信其他嘅食物都好极有限...