魚蛋哥

营业中

休息中

今日出旺角办完事，正值午餐时份，天口热，唔行咁远，嚟到呢间舖，反正未试过，就试下啦！呢度地方唔大，坐位逼仄，但胜在近地铁站。叫咗两款我读书年代嘅车仔档小食：韭菜猪红肠（三样）及鱼肉碗仔翅，一共$56。三样唔单只份量少，更重要系啲猪肠系卤水，唔系白烚，完全失真，佢哋究竟知唔知传统嘅三样系点做？还是要就埋车仔面，所以只做卤水一款？咁做法啲猪肠系唔好食㗎！鱼肉碗仔翅啲鱼肉，好似通达咁切到一粒粒，而唔系传统咁用筷子弹落水度渌熟，又系虚有其名嘅失败之作，完全失望！后记：两款小食当然食唔饱，我要到附近卖多个包先至够。